Namangan Davlat Universiteti qoshidagi akademik litsey O‘zbekiston Respublikasi Oliy va O‘rta Maxsus ta’lim vazirligini 1998 yil 16 iyuldagi № 192-sonli buyrug‘iga asosan tashkil etilgan.Akademik litsey Nizomi, o‘quv yurtining pasporti, hamda tuzilishi mavjud. O‘zbekiston Respupublikasining “Ta’lim to‘g‘risida”gi qonun va “Kadrlar tayyorlash milliy dasturi”ga doir me’yoriy xujjatlar monitoringi yuritilgan. Akademik litsey 1998 yil 1 oktyabrdan rekonstruksiya hisobiga qayta moslashtirilgan binodan tashkil qilingan.

Ta’lim muassasasi Janubiy Koreya Respublikasi krediti hamda Davlat budjeti asosida jixozlangan. Litseyda 1 ta kimyo, 1 ta biologiya va 3 ta fizika o‘quv laboratoriya xonalari mavjud bo‘lib, ular Koreya Respublikasi krediti va “EL-Xolding” firmasi tomonidan to‘liq jihozlangan. Umumta’lim fanlari dasturlari bo‘yicha fizikadan 17 ta, kimyodan 8 ta va biologiyadan 4 ta laboratoriya mashg‘ulotlari, chuqurlashtirilgan fanlar dasturlari bo‘yicha fizikadan 57 ta, kimyodan 36 ta va biologiyadan 55 ta laboratoriya mashg‘ulotlari o‘quv dasturlarida belgilangan tartibda amalga oshiriladi. O‘quv laboratoriya jihozlarini saqlash uchun maxsus (preparatlar uchun) xonalar mavjud. Jixozlardan foydalanish yuklamasi fan o‘qituvchilari tomonidan ishlab chiqilgan, o‘quv jarayoniga tadbiq etilmoqda.

Litseyda o‘quv-tarbiya jarayonini tashkil etishda pedagogik xodimlarning bilim salohiyati va tajribasi bosh omil hisoblanadi. Litseyda faoliyat ko‘rsatayotgan pedagog xodimlarning sifat tarkibi quyidagini tashkil etadi:jami pedagog xodimlar soni 113 nafar, ularning barchasi oliy ma’lumotli . Malaka darajalari bo‘yicha fan nomzodi 1 nafar,bosh o‘qituvchi 19 nafar, yetakchi o‘qituvchi 28 nafar, katta o‘qituvchi 31 nafar, oliy ma’lumotli mutaxassis 35 nafarni tashkil etdi. Barcha tayyorlov yo‘nalishlari o‘quv rejasida ko‘rsatilgan umumta’lim va chuqurlashtirilgan fanlar bo‘yicha pedagog xodimlar bilan ta’minlangan. 

Ta’lim muassasasida jami 4 ta yo‘nalishda (aniq fanlar, tabiiy fanlar,ijtimoiy-gumanitar fanlar, xorijiy tillar) 1 – kursda 19 ta guruxda 614 nafar, 2-kursda 18 ta guruxda 619 nafar, 3-kursda 17 ta guruxda 558 nafar, jami 54ta guruxda 1791 nafar o‘quvchi ta’lim-tarbiya olmoqda.