Mamlakatimiz ta’lim salohiyatini mustahkamlash borasida akademik litseyning o’rni alohida ahamiyatga ega.

Akademik litseyning aniq fanlar kafedrasi matematika fani o’qituvchisi Rasuljon Izzatullayev boshchiligida matematika, fizika va informatika fani o`qituvchilaridan tashkil topgan.

Hozirga qadar kafedraning quyidagi o’quvchilari Xalqaro fan olimpiadasi va sport musobaqalari g’olibi va sovrindorlari bo’lgan. Ular:

1. Samatov Otabek – 2002 yil Amerika poytaxti Vashingtonda o’tkazilgan matematika fani bo’yicha Xalqaro olimpiadsida 4-o’rinni egallagan.
2. Jamiyev Muhammad- 2002 yil Singapurda o’tkazilgan fizika Xalqaro olimpiadsida 4-o’rinni egallagan.
3. Saydaliyev Muhiddin - 2002 yil Singapurda o’tkazilgan fizika fani bo’yicha Xalqaro olimpiada ishtirokchisi.

Respublika saralash bosqichida g’olib chiqib, Xalqaro olimpiadada qatnashish huquqini qo’lga kiritgan o’quvchilar:

1. Ismoilov Doston – 2011 yil informatika fani bo’yicha Qozog’istonda o’tkaziladigan Xalqaro olimpiadada qatnashish huquqini qo’lga kiritgan.
2. Abdulhamidov Farrux – 2015 yil fizika fani bo’yicha Hindistonning Mumbay shahrida o’tkaziladigan  Xalqaro olimpiadada qatnashish huquqini qo’lga kiritgan.

Quyidagi o’quvchilar Xalqaro maydonda sport bo’yicha  ham Vatanimiz  salohiyatini munosib himoya qilib kelmoqda.

1. Imomaliyev  Umarali - 2015 yil  Malaziyada o’tkazilgan Suv polosi sport turi bo’yicha Xalqaro turnirda 2- o’rinni egallagan.
2. Yunusaliyev Nodir – 2015 yil Toshkentda o’tkazilgan Xalqaro turnirda sportning kikboksing turi bo’yicha 3-o’rinni egallagan.

Bular tashqari 2013 yil matematika fani bo’yicha respublika fan olimpiadasida 1-orinni egallagan o’quvchimiz Xomidov Muhriddinni alohida ta’kidlash joiz.

Bugungi kunga qadar kafedra o`quvchilari chet el oliygohlarida ham o`qib, muvofaqiyatlarga erishmoqdalar.

Masalan, Boqiyev Ilhom G’ulomjon  o’g’li  2008-2010-yillar mobaynida matematika fani bo’yicha o’tkazilgan viloyat olimpiadasining g’olibi, respublika olimpiadasi qatnashchisi bo’lgan.

2010-yil Namangan davlat universiteti qoshidagi akademik litsey aniq fanlar yo’nalishini imtiyozli diplom bilan tamomlab, Rossiya Federatsiyasining Tomsk Davlat Universitetiga neft-gaz yo’nalishi bo’yicha davlat granti asosida o’qishga qabul qilingan.

Rossiya davlatida o’qishi davomida dunyo yoshlarini lol qoldiradigan darajada quyidagi yutuqlarda erishgan:

2011-yilgi Novosibirsk shahrida o’tkazilgan matematika fani olimpiadasida 1-orin, Rossiya Fedaratsiyasida 3-o’rin;

2012-yili Rossiya Federatsiyasi bo’yicha o’tkazilgan matematika fani olimpiadasi go’libi (2-o’rin)

2012-yil Moskvada o’tkazilgan sportning suzish turi bo’yicha Rossiya chempionatida 3-o’rin;

2013-yil sportning suzish turi bo’yicha Sibir chempionatining mutlaq g’olibi (1-o’rin)

2010-2016-yillar mobaynida Rossiya davlatida ta’sis etilgan  “Sport uchun” stipendiyasi sovrindori bo’lgan.

2014-yil Boqiyev Ilhom o’qish va sportdagi yuqori natijalari uchun Moskva Davlat Universiteti magistraturasiga imtiyozli ravishda qabul qilindi. Hozirda Moskva Davlat Universiteti 2-bosqich magistranti.

Matematikaga doir yana bir yutuqlarimizdan biri akademik litseyning 2-kurs o’quvchisi Isoqjonov Ahrorbek  2016 yil 4 –iyun kunu Toshkent shahrida o’tkazilgan matematika fani bo’yicha  SAT (ya’ni, matematik bilimlarni xalqaro mezonlar asosida baholash tizimi) imtihonida 1200 ballik imkoniyatdan 930 ball to’plab, xalqaro oliy o’quv yurtlariga kirishda qo’shimcha imtiyozni qo’lga kiritdi.

Akademik liseyning  OTM ga o’qishga kirish ko’rsatkich 1-yilning o’zida  60-65%ni , 2 yildan so’ng esa o’rtacha 80-85% ni tashkil etmoqda.

Aniq fanlar yo’nalishida, esa o’rtacha 70% kam bo’lmagan, ayrim guruhlarda 100 % gacha natijaga erishilmoqda.

Bu natija  bilan akademik litsey viloyat va respublikada eng oldingi o’rinlarni egallab kelmoqda.

Masalan, aniq fanlar yo’nalishi 2013-yilgi 301-guruhning  28 ta bitiruvchisining  100 % i oliy ta’lim muassasalarida o’qishga kirgan, bulardan  26 tasi davlat granti asosida.